קאטאמאנדו – אמווייניגסטנס 49 זענען אומגעקומען נעכטן, ווען א בענגלאדעשער פליגער האט אראפגעקראכט אין א פארוואלקנטן וועטער העכער א לופטפעלד אינעם נעפאלעזער הויפטשטאט קאטאמאנדו. דער אינצידענט האט פאסירט ביים לופטפעלד, וועלכע איז באקאנט אלס איינס פון די מערסט-קאמפליצירטע לופטפעלדער איבער דער וועלט, זייענדיג בערגיק און קרום, אבער די לופטפעלד באאמטע און נעפאלעזער אוויאציע באאמטע האבן געזאגט, אז דער פילאט איז שולדיג פאר’ן קראך, וויבאלד ער האט נישט אויסגעפאלגט זייערע אנווייזונגען. לויט די אוויאציע באאמטע, איז דער פליגער געקומען אריינצופליען פון דער גאנץ-פארקערטער זייט וואס מ’האט אים געהאט אנגעזאגט, און דאס האט געפירט דערצו אז עס זאל ווילד אראפקראכן אינעם לופטפעלד. 22 האבן איבערגעלעבט און ווערן באהאנדלט אין לאקאלע שפיטעלער.
פאטאלער פליגער קראך אין נעפאל
