אלבאני – סענאטאר ביל לארקין, וועלכער האט רעפרעזענטירט לאנגע יארן די שטאט קרית יואל, און איז געווען איינער פון די מערסט-באליבטע סטעיט סענאטארן אין אלבאני, האט געמאלדן אז ער וועט נישט לויפן פאר ווידערוויילונג – ווערנדיג דערמיט דער פינפטער רעפובליקאנער צו מעלדן רעטייערמענט פונעם סטעיט סענאט. לארקין, וועלכער איז שוין 90 יאר אלט, האט געדינט אלס אמעריקאנער זעלנער ביים צווייטן וועלט קריג און דערנאך ביים קארעאר קריג. דערנאך האט ער געדינט אינעם סטעיט אסעמבלי און סטעיט סענאט פאר קאמבינירטע פערציג יאר, וואו ער איז ספעציפיש געווען פריינטליך פאר קרית יואל און פאר דער ארטאדאקסישער אידישער געמיינדע אין דער גאנצער סטעיט. יעצט אז לארקין רעטייערט, האט מען געהערט פון אסעמבלימאן דזשעימס סקאופיס, דעמאקראט פון אראנדזש קאונטי, אז ער קלערט צו לויפן פאר לארקין’ס ליידיגע זיץ.
סטעיט סענאטאר לארקין וועט רעטייערן
