טעהראן – די איראנער רעגירונג האט אנגענומען א נייע סטראטעגיע, צו באקעמפן אמעריקע’ס פרואוון בטל צו מאכן דעם נוקלעארן אפמאך, דורכ’ן פארלאנגען אז אמעריקע און אייראפע זאלן אויפגעבן זייערע נוקלעארע ארסענאלן. מאסוד דזשאזאיערי, א הויכראנגיקער איראנער מיליטערישער פיגור, האט רעאגירט צו פראגעס, איבער די נייעס אז אמעריקע וויל אז איראן זאל איינצוימען איר אנטוויקלונג פון נישט-נוקלעארע באליסטישע מיסילס, זאגנדיג אז איראן וועט בכלל נישט פירן געשפרעכן מיט אמעריקע איבער די באליסטישע מיסילס, אזוי לאנג ווי אמעריקע פארמאגט נאך א נוקלעארן ארסענאל, מיט דער טענה אז אמעריקע איז היפאקריטיש צו פארלאנגען פון אנדערע לענדער אויפצוגעבן וואפנס, ווען זי אליינס ברייטערט זיך אויס.
איראן צו אמעריקע: גיט אויף וואפנס!
