מאסקווע – די פאפולערע און שטארק-באנוצטע “אינסטעגראם” ווידעא און בילדער אנליין-פלאטפארמע, האט זיך געבראכן פאר פארלאנגען פון דער רוסישער רעגירונג, צו בלאקירן געוויסע ווידעאס און בילדער וועלכע פראפאגאנדירן קעגן דער רוסישער רעגירונג. וולאדימיר פוטין לויפט אצינד פאר ווידערוויילונג, און די רוסישע רעגירונג האט אונטערגענומען א העפטיגן קאמפיין צו צענזורירן סיי וועלכע אנליין מאטעריאל וואס ווערט פארשפרייט קעגן פוטין, דורכ’ן פאפולערן אפאזיציע פיגור אלעקסיי נאוואלני. רוסלאנד האט עטליכע וואכן צוריק געסטראשעט “פעיסבוק”, וואס “אינסטעגראם” באלאנגט פאר זיי, אז זיי וועלן גענצליך בלאקירן צוטריט צו די סערוויסעס אין גאנץ רוסלאנד, אויב וועלן זיי זיך נישט צושטעלן צום פארלאנג צו צענזורירן נאוואלני’ס אנטי-פוטין פראפאגאנדע, און אצינד האט זיך “אינסטעגראם” געבראכן און וועלן צענזורירן לויט די פארלאנגען פון פוטין. “יוטוב” האט זיך אבער נאכנישט געבראכן פאר פוטין’ס פארלאנגען.
אינסטעגראם, יוטוב און רוסלאנד
