איסטאנבול – אויטאריטעטן אין טערקיי האבן אנגעהויבן א קאמפיין, צו לייגן דרוק אויף סירישע פליטים אז זיי זאלן הייבן פוס און אהיימגיין צוריק קיין סיריע. טערקיי האט אריינגענומען מער ווי דריי מיליאן סירישע בירגער אין די לעצטע פאר יאר, אוועקשטעלנדיג מאסיווע קעמפס און אנדערע איינריכטונגען פאר זיי, און פילע פון די פליטים האבן זיך צעביסלעך גוט איינגעגלידערט אין טערקיי, אריינגערעכנט א האלב מיליאן סירישע קינדער אין טערקישע פובליק סקולס. למעשה איז דאס א שוועריגקייט פאר די טערקישע בירגער, און אצינד אז דער טערקישער פרעזידענט ראסיפ ערדואן גרייט זיך צו לויפן פאר ווידערוויילונג אין יאר 19′, וויל ער צייגן פאר זיין פאלק אז ער איז פטור געווארן פון די פליטים.
טערקיי שיקט אהיים סירישע פליטים
