ווארשא – טויזנטער פוילישע בירגער האבן שבת מארשירט אין עטליכע פוילישע שטעט, אויסצודרוקן קעגנערשאפט צו ראסיזם, אנטיסעמיטיזם און סיי וועלכע האס. דער גרעסטער פון די פראטעסטן, איז פארגעקומען אין דער הויפטשטאט ווארשא, וואו די פראטעסטירער האבן געהאלטן שילדן צו רופן פאר שלום, פרידן און צוזאמלעבן איבער דער וועלט, און אויסער’ן פראטעסטירן קעגן אנטיסעמיטיזם, האבן די פראטעסטירער אויך גערופן צו אן ענדע פון דער בלוטיגער בירגער קריג אין סיריע. דער פראטעסט איז געקומען אלס רעזולטאט פון דעם אויפשטייגנדיגן אנטיסעמיטיזם אין לאנד, וואס איז נאר געווארן ערגער אין די לעצטע וואכן, זינט די פוילישע רעגירונג האט באשטעטיגט דאס העסליכע האלאקאוסט געזעץ, איינצוצוימען דאס רעדן פונעם האלאקאוסט.
פוילן מארש קעגן אנטיסעמיטיזם
