שפאניע – ווען מען זעט א ווארענונג אז מ’זאל נאר קויפן אין גראסערי אזעלכע פראדוקטן וואס זענען נאך פארמאכט, איז דאס צוליב זיכערהייט, ווייל ס’קען זיין מעגליך שוין געעפנט געווארן דורך א צווייטן. אבער אין שפאניע האט דאס באקומען אן אנדער באדייט, ווען פאליציי ביי א באקאנטע פרוכט מארקעט אין דער הויפטשטאט מאדריד האבן באקומען אן אלערט איבער צענדליגער פיינעפלס וואס האבן אויסגעזען צו זיין אויפגעשניטן פון פאראויס. ווען די פאליציי זענען אנגעקומען און אונטערגעזוכט די פיינעפלס, האט נישט לאנג געדויערט צו באמערקן, אז אין די פרוכטן זענען געווען באהאלטן פעקלעך פון די שעדליכע “קאוקעין” דראג. די פאליציי איז דערגאנגען ווער עס האט דאס אהינגעברענגט, און ארעסטירט די שולדיגע פארשוינען.
וואס ליגן באהאלטן אין די פיינעפלס?
