קאנאדע – די אידישע “בני ברית” ארגאניזאציע אין קאנאדע זאגט, אז זי וועט באנייען איר קאמף צו טוישן דעם אנטיסעמיטישן נאמען פון א גאס. די רעדע איז פון דעם שטעטל פּוסלינטש, א טאון אין אנטעריא, קאנאדע, וואו די גאס טראגט שוין דעם “האקנקרייץ שטראז” נאמען לאנגע יארן, נאך בעפאר דער האקנקרייץ איז בכלל אדאפטירט געווארן דורך די נאציס ימ”ש אלס זייער סימבאל ווען היטלער’ס פארטיי איז אויפגעקומען אין דייטשלאנד. איינוואוינער אויף דער גאס האבן געשטימט אנצוהאלטן דעם נאמען, אבער “בני ברית” זאגט אז יענע וואלן זענען געווען אומ’יושר’דיג, און זיי ווילן אז דער לאקאלער קאונסיל זאל זיך אריינמישן און טוישן דעם נאמען.
קאמפיין קעגן “האקנקרייץ שטראז”
